E Gvérni.

Adess a j avem e Gvérni
mo proima an avim gnint?
U j’era quei chi steva a lé in eterni
mo an sirmi mai cuntint!
U j’era la voipa, la faina e gat
i ci ha fat advantè mat
l’era un bel trio compat
tre sureli agli aveva fat un pat.
Pò sempri quei ad clà raza
i j’ha gvarnè s’la stesa faza
sotta un’aria un po bonaza
i smartliva se pic e s’la maza.
Prima ad tot i j aveva arprov
da artunè lassò d’arnov
mo stavolta invec’ i j’ha trov
quei chi vend e vecc’ par nov.
Adess e’ Gverni u’s cema Adess
i j’ha già ciap e pin possess
sa tot quel cu i j’è cuncess
l’è fnid l’arost i magna e less.
Sett segretari e tan ti sbaj
com’ i sette samurai
u i j’è Podeschi ma la scola
u gni amenca la parola!
ma l’ospedel i j’ha mess ma Santi
e guaresc’ ma tutti quanti
lavor fabrichi e cummerc’ a brot mus
Zafferani l’è ambizius
Celli è c’manda mi baiocc
an avem piò lacrimi ma i occ’
mi stranier i ha mess ma Renzi
propri un ad cli veci lenzi
Zanotti ma gli interni, curagg’ Guerroin
che la PA l’è un gran casoin
turism e territori sott’ al penni
Michelotti e drezza già gl’antenni.
E po’ evviva la balosa!
E Titano l’è tot rosa
la decision la j’è clamorosa
u’m per propri ‘na gran cosa.